اشعار حلوة وتضحك اتمنى انها تعجبكم ... التثبيت بلييييييز...

صبااااح الخير او مساء الخير...

اليوم لقيت بصراحه باكثر من موقع اشعار حلوة وعجبتني . ... اتمنى تعجبكم بالمثل...

ولي ولكم راي ثاني انشالله .....






وعـــــــــد
تلبس زغاريد وتجيني بفستانها ... وانا من الشوق اغني ياوعـــد ياوعــــد
تطرب وهي ماتعرف تحرك لسانها ... الله عطاها مع السكر نبات الشـــــهد
لاجت تهادي نهض قلبي على شانها ... خطواتها من سحاب وصوتها من برد
لو يدري الورد عنها شم ريحانها ... والبدر لو شافها طاح وقمرها صـــعد
تلعب وانا والامل مابين جنحانها ... خلت لعمـــــري طعم ثاني ولون وعدد
اتــضمني وانفجر فرحه من احضانها ... واقول بالله بوسيني وضمي بعد
يازينها والدموع تغـــسل اوجانها ... والا لــيا ضــحكت تجنن بلد
..................................................
انا في شوق مسجونه
وانت السيف والسياف
وانا ياروحي من صغري
احلم فيك بدون اطياف
وحناني لك غرقني
وحنانك راحة قط ماشاف
زاد الحب
صار اضعاف
واحنا من زمان اثنين
خوافه مع خواف
..............................
العيد باكر اسعد الله ممساك .... والله مدري وين خد لمسته
وين انت ياللي عيدنا في محياك .... كف القدر من ضيقة الخلق بسته
من يوم مالوحت لي كف يمناك .... لليوم دمعي بالخفا ماحبسته
ومن يوم ماذوقتني حر فرقاك .... والياس زرعه في حياتي غرسته
شريت لي ثوب على شان لقياك .... والثوب راحت موضته مالبسته
وشريت عطر مازهاني بلياك .... اربع سنين بعلبته مالمسته
ودفتر قصيد كل يوم يترجاك .... مافيه يوم ماسهرت ودرسته
.........................

....................
الصداقة
ماهي باقة
ترسل من اقصى البلاد
او بطاقه
ترسل في عيد ميلاد
الصداقه ... شي اكثر
شي اكبر
هي علاقة صعب تتفسر
مثل حب الام
او حب البلاد
...................
حزت بنفسي مراسيم الوداع
وانتثر دمعي على الخدين دم
من عذابي صرت موطن للضياع
واشتعل سطح الثرى حدر القدم
بالنهاية صارت ايامي خداع
والحقيقة ترتدي ثوب الوهم
ساعة الفرقا تخليني شجاع
ليتها ماتغرس بقلبي سهم
....................
شعرك نشف والا لها الحين مبلول .... ياللي تقولين المطر بل شعري
يقولها وهو من الغيض مقتول .... ويقول شعرك للمــطر ليه يغري
دامك تعرفيني غيور ومهبول .... امانتك شعر تغـــطاه صدري
لا تتركينه منتثر دوم مــفلول .... اخاف تغريه السـحابه بهجري
مابيه يلمس غير كفي على طول .... حتى بهبوب الريح مابيه يذري
شعرك نشف ولا لهالحين مبلول .... قلت الصحيح انا لهالحين مدري
...............................
قال مــجروح جاوبته نعم ... قال ماشــوف بك اثار دم
قلت وان كان في ذاتي النزيف ... قال مابه نزيف من عــدم
قلت وان خان بي اغلى حبيب ... قال وهــم بنيته وانهدم
قلت ماعذبك يوم الفــراق ... قال درب وتمشــيه القدم
قلت مابه سوى جلدك شعور ... قال غيره فلا احـس بألم
يااوسم الناس لو قلبك وسيم ... واكرم الناس في غير الكـرم
عندك الظلم عدل في الهوى ... واعدل العاشـقين اللي ظلم
انت لو كان فــي حبك حياة ... كان خـلى حياتك له طـعم
اتعس الخلق من يرجى هواك ... مااضيع النبض في قلب الصنم
..........................
أمانه
كان لي خاطر
كان لي عندك مكانه
من قتل فيك المشاعر
من زرع فيك الخيانه
ــــــــــــــــــــــــــــــــــــــــــــــ
لا تمرين من هذا الطريق
لا تروحين لدروب الحريق
إرجعي أو طيري
أو روحي بعيد
والطريق اللي تبين تجربينه
مابه انسان يحب أو صديق
لا تمرين من هذا الطريق
ــــــــــــــــــــــــــــــــــــــــــــــ
على هونك تمهل بالكلام
شوك الهجر بيدك زرعته
لا تقول الحب وتزيد الملام
مات الهوى يومك خدعته
ــــــــــــــــــــــــــــــــــــــــــــــ
مثل بيت بلا درايش
مثل كف بلا خواتم
او اساور او غوايش
تنقضي لحظات عمري
كلها واقول عايش
ــــــــــــــــــــــــــــــــــــــــــــــ
المستحيل
انك ابه الوقت الردي
تلقى مثل حزنك
خليل
ــــــــــــــــــــــــــــــــــــــــــــــ
اول تجينا بليا نعال
من زود حبك تجي حافي
واليوم لو نسحبك بحبال
تقطعت منك ياكافي


والله بصراحة هو منقووول ... من احمد المهدي ...


شكرا جزيلا له ... والف شكر ...