عسى يكبــر ويذكرني ويسمِّي بـ " إسمي " : إعيالـه

يكلمني عن جروحه .. وأنا من سبِّته / مجروح !
يسولف لي عن (أحبابه) وأسولف (عنَّه) لـ حاله ....

أحس في دمعة عيونه , وتطلع من بكاه الروح ,
وإذا يفرح مع غيري . . . بكى " قلبي " و / هنَّاله .

ياليت آنا معاه اللي ركبنا في [ سفينة نوح ]
محد يقدر يفرقنا لا : عمِّي .. و لا : خاله

رسمته في قلم ناشف على قطعة خشب من لوح
و تهيألي يحاكيني !! ويبيني أرسم إظلالـه

تحرَّك طيفه الدايم . ولَعَب في حسبتي بجْموح .
يحب الخيل , و , أشعاري .. عشانه صاروا خيَّالـه

وصار بـ عيني ( الأجمل ) مع إنَّ شوي هو / مملوح ,
ولا غيره مــلا عيني وقلبي بس يصفالــه

ذبحني قلبي الساكت ! ... متى قلبي عليه يبوح
أحبه وماعرف إني أحبـه , وأعشق وصاله . . .

كتمت , وهذا من طبعي , وتمنيت " الغلا " مفضوح
ببيِّن له ولا أقدر !! مع إنِّي جالس قباله .

أخاف إنّه بعد مُدَّه يطير ... ومن إيديني يروح !
هو نعمة من فضل ربي , ويقولوا : النعمـة زوَّالـه

لي قلبٍ من كثر حُبه على : فراش التعب : مطروح ,
لاهو"ميت "ولا "عايش "! ووالله إن مـااات أشواله .

وحبي من طرف واحد , غلا صادق بدون مزوح
وإذا هو طاح ؟ قداامـي .. نزلَّـه / قلبي / و : شــاله .!!

شكالي وكنت له أسمع . . . وقلبي دوم له / مفتوح
يطمِّني عن " أخباره " , وشنهي آخر أعمالـه

وإذا شفته خطا بـ حقي بدون أعذار ؟ .. هو مسموح ,
في نياته ولا يدري .! وطيبة قلبه همَّالـه .

في جياته ...... . يروح الهم , ويبدِّل ( دمعتي ) بـ فروح
تمنيت البشر مثله . . . وكل من حولي أمثاله .!

من الله حُبه في قلبي حشى مالي ترى مصلوح ,
عسى يكبــر ويذكرني ويسمِّي بـ " إسمي " : إعيالـه

يالهوييييييييييييييييييييييييييي...

ببجي خلاص ... اهئ اهئ .... ماني عارفه احنا ليش قلوبنا جذي...

ليش مو اهو الي يضحي ... ليش بس احنا بس احنا....

شنو خرفان احنا للتضحيه .....

اهئ اهئ.... بس صراااحه مؤثرة وذبحني بيتين ...

لي قلبٍ من كثر حُبه على : فراش التعب : مطروح ,
لاهو"ميت "ولا "عايش "! ووالله إن مـااات أشواله .

وحبي من طرف واحد , غلا صادق بدون مزوح
وإذا هو طاح ؟ قداامـي .. نزلَّـه / قلبي / و : شــاله .!!

شكالي وكنت له أسمع . . . وقلبي دوم له / مفتوح
يطمِّني عن " أخباره " , وشنهي آخر أعمالـه

عسى الله يبعدنا عن هالحب.. ... ما وراه غير هدة الحيل الله يعين بس...

ويكتب لنا ا لله الحب الصادق الي من طرفين وينتهي بزواج انشالله...

اااااااه ... انشالله نجربه ....ههههههههههههه

مشكورة يالغاليه ... نبي اكثر ترانا طماعين ... وخاصه انا ...

هههههههههههههههه اي والله ما اقووول الا ان شاء الله

يسلمووووووووو على مرورج يالغاليه

...

الله يسلمج ....

عاااد لا تنسينا من دعواتج برمضان ....

واكرمينا بجديدج ....؟؟

ان شاء الله ولاا يهمج

.