قصة شاب سوى حادث وامه معاه ..حياكم ..

السلام عليكم والرحمه ...

حبيت انقلكم اليوم قصة شاب سوى حادث وامه كانت معاه بالسيارة ..
الوالده توفت وهو اصابته كانت خفيفه ..

وهذة الابيات قالها للي يواسيه...

يواسيني وانا الميت وحالي يجبر الدمعات...
تسيل من الذي فيني ويبكي وهو يواسيني ...

وانا ابكي واتنهد وارسم بالحزن لوحات..
يجبروني عشان امشي ورجلي ما تمشيني..

قتلت رعايتي بيدي قتلت الحب والرحمات ..
حرمت النفس من حقها وانا ابكيها وتبكيني..

وكنه حلم قدامي يقيدني من الصرخات..
ابي اصحى ولكني عجزت القى الي يصحيني...

فداك القلب يا يمه ومهما قلت من كلمات..
صغيرة في كبر حقك بس اتمنى تعذريني..

نهبت الفرح من بيتي صحيح اني خسيس الذات ..
صحيح اني ولد طايش وكل ما اسمعه فيني..

تجول عيونهم فيني تفصل مني مقاسات..
وتشيح وجوههم عني ةكني غيرت ديني...

يظنوا حزنهم اكبر وهم اصحاب هالمأساة ..
وانا اتحدى اذا فيهم ربع ما يحترق فيني...

نقص قدري بعد موتج وغابت نشوة اللذات
وصار الهم على عكازي واباكيه ويباكيني ...

عطيتيني بدون حساب ولا سمعتك تقولي هات..
وانا اشرب حيل من دمج ودمج ما يكفيني..

يا يمه ارجعي كافي ابجلس معك لو لحظات..
واقبل ايدك ورجلك وافرش لك رمش عيني..

يا يمه ما تحملهم يقولو فات ما قد مات..
تعالي غيري هالقول ةاطيعك باقي سنيني..

واترك عادة التدخين وانفذ ماتبي بسكات
واصلي الفجر في المسجد قبل منتي تصحيني..

يا يمه ارجعي تكفين وطفي شمعه الاهات ..
ابيك انتي ولا غيرك على موتي تعزيني..

وضميني وداويني مثل ما كانت الهقوات..
ما ابي احدن يواسيني ابيك انتي تواسيني..

دخيلك بس لا تبكي اذا شفتي بي الدمعات..
انا مقوى ابكيك اذا انتي تبكيني..

وسلامتكم...

وفعلا هالشي اثر فيني فعلا ..

شكرا لمروركم...