ع’ــن الحب الصآدق ..

السلام عليكم ورحمه الله وبركاته

قبل لا تقرونها لازم تعرفون قصه القصيدة...واحد اسمه

خالد جاه مرض و قالوله ان ايامه معدوده كتب هذه القصيده

لصديقه يقول له فيها انه يحب

حبيبته و يبي من خويه هذا انه يخليها تنساه اقروا القصيده والله

تستاهل .... وراح تعرفوا

معنى الحب الصادق

وصاتي لـك مـن بعـدي
تمـوت فيهـا علشـانـي
ابيها تعيش و تحيـا بـك
واظل بالذاكـره مفقـود
وصاتـي لـك تنسيـهـا
ملامح وجهـي و تنسانـي
وتعزفهـا قصيـدة حـب
على عكس اللي عزفته بعود
وصاتـي لـك تبعـدهـا
عـن اشعـاري وقيفانـي
تراهـا مغرمـة بالحـيـل
ويشهد لي عـدد الـردود
وصاتـي لـك تسايرهـا
ترى فيهـا مـن احزانـي
طلبتـك لايضيـق بالـك
طلبتك والطلـب مـردود
وصاتـي لـك تناديـهـا
حياتي..عمري..ازمـانـي
انــا عودتـهـا دايــم
ادلعهـا وانـا مـوجـود
وصاتـي لـك تعاملـهـا
بطيبه قلـب و احسانـي
تراهـا تـذرف الدمعـه
ودمعتهـا بليٌـا حـدود
وصاتـي لـك تحفظـهـا
سـور وآيـات قـرآنـي
وتخبرهـا عـن المـيـت
رحـل لايمكنـه بيعـود
وصاتـي لـك ترسمـهـا
علـى قبـري وأكفـانـي
ابيهـا لـوحـة تبـقـى
على طول الزمـن محـدود
وصاتـي لـك تمازحهـا
وتشوف الضحكة بأسنانـي
سعيتك ياضحك هالكـون
طلبتك لاتصيـر جلمـود
وصاتـي لـك تقهويهـا
مـن دلالـي و فنجـالـي
تراهـا تعشـق السمـرا
ويكفيهـا دخـون العـود
وصاتـي لـك تركبـهـا
على خيلي و على حصاني
وربي فارسـة مـن قلـب
شهـادة ماهـي لشهـود
وصاتـي لـك تسفرهـا
بـلاد الشـام و لبنـانـي
رى يحلالهـا تقطـف ورده
وردة مـن بلـد الـورود
وصاتـي لـك تراقصهـا
علـى الحـان رحبـانـي
ترى فيهـا عـرق خالـة
وفيها من جنـون السـود
وصتاتـي لـك تحببـهـا
فأبونـورة بعـد هـانـي
وتنسيهـا نـدم غلـطـة
انا فيهـا تـرى المقصـود
وصاتـي لـك تكرههـا
فـي تاريخـي و عنـوانـي
أبيهـا تلعـن اللحـظـة
وتلعن كل فـرح موعـود
وصاتـي لـك تكلمـهـا
عن المجنـي وعـن الجانـي
وتخلينـي انــا الظـالـم
وانا من حـرق الاخـدود
وصاتـي لـك تشبهـنـي
بــدم أحـمـر قـانـي
وانـا هالقاتـل السفـاح
مجرم مـن عصـر نمـرود
وصاتـي لـك تحلفـهـا
تتـوب تحبـنـي ثـانـي
تـرى يكفيهـا ماعانـت
ويكفـي حيلهـا مهـدود
وصاتـي لـك تنسيـهـا
وصيـة قالهـا لسـانـي
أنا اخبرك رجـل موقـف
وانـت قدهـا وقــدود
صديقي مالقيـت غيـرك
يعرف وشلـون تنسانـي
أمانـه ضمهـا بقلـبـك
ترى خالد....رحل مايعود

ع’ــن الحب الصآدق .. 556480

والله يكسر الخاطر الله يرحمه

...

ااااااااااااه اااااااااااااااااه اااااااااااااه

اهئ اهئ اهئ اهئ

بس بس خلاص انعدم هالحب يا غاليتي ...

عسى ربي يكرمني ويكرمج ويكرم بنات المسلمين رجال ونعم مثل خالد

الهم امين ...

وشكرا يا العووووبة على القصيدة الرائعه

ع’ــن الحب الصآدق .. 556480

اللهم امين <<<< تقولها من قلب هههههههه

والله لو اقوولج انتي بجيت بجي على هل قصيده

والله ضاق خلقي شووووفي هذي الناس الي تحب