////// نــور العـــرس \\\\\\

مشيت مع غيري وروّحـت ويـاه
ودرب ٍ مضا خليتني جالـس ٍ فيـه
فكري غدا واطلقت من ضامـري آه
ونه تبع ونـه وليـه ٍ تبـع ليـه
جاني خبر قالوا حبيبك شرب مـاه
ماهو لحاله لـه حبيـب ٍ يسقيـه
قلت اسكتوا ثم صحت عزاه عـزاه
عزاه يا بحـر ٍ رسيـت بشواطيـه
بنيت فـي قلبـي مكـان ٍ لملقـاه
وحطيت له شارع على شان رجليه
ونقشت في قلبي حـروف ٍ مسمـاه
خمسة حروف وسعد منهو يناديـه
يا عين نور العرس وش لي برؤياه
صدي عن الغـدار والبيـت خليـه
يا رجل روحـي لا توّطيـن ماطـاه
وان قابلك في درب حذراك تمشيـه
يا كف لا تلمـس يديـن ٍ محشـاه
بالنيـه السـودة مخفـي خوافـي
خصبق حياتي خصبـق الله نوايـاه
وضيّع قليبـي ضيـع الله مراويـه
الحب في ذا الوقت يا ناس وش جاه
ضاعوا هله يا ناس منهـو يعزيـه
ميثاق حبـي بيـد خلـي مسـواه
ثم قطَّع الميثاق واخلـف حكاويـه
ودي بحوريـات مـن جـنـة الله
وبنات حوا حبهن وش نبـي فيـه
وش لي بحب ٍ كل دربـه مـلاواه
درب العوج يا بنت ماني بماشيـه

للشاعر المبدع : محمد الهبله