جا يشوف الحال كيفه بعد ما هزه حنينه .. !!

جا يشوف الحال كيفه بعد ما هزه حنينه.

قبل يسألني سألته كيف حالك يا الحبيب



قال أنا كني غريب ضيع دروب المدينة

قلت أنا كني مدينه تنتظر رجعة غريب



قال اجل وش فيك تلعن سيرة الحب وسنينه

قلت أجل وشلون ما ألعن سيرته دامك تغيب


أنت لا من غبت حتى مرايتك صارت حزيـنه



كيف ما تبغاني احزن وأنت لي مثل النصيب


الهــدايا والرسائــل والمكاتيــب الثمينة


الليالي والقمر والريح والكون الرحيب



كل ما تبعد تجيب الشعر ليّه من يدينه


وتقعد جروحي تودي فـ المتاهات وتجيب


يا بعـــــد كل القصيـد ونزوة حداه وأنينــه



لا ذكرتك لاح بيت وطاح ورد وفاح طيب



وان نسيتك ما نساني صوتك المبحوح ليه


يأخذ لجرحي بثأره من خطاياك ويطيب



وبعد هذا جاي ترمي ذنبك بوجه المدينة

ما دريت أن المدينة كلها شمعة غريب

...... وسلامتكم