يمر الوقت يسرقنا بلا ذكرى ولا طاري

يمر الوقت يسرقنا بلا ذكرى ولا طاري
هموم الدنيا تشغلنا وتاخذنا وتودينا

وفجأه يرجع الماضي ويقطع حبل أفكاري
يذكرني سوالفنا وجمعتنا وليالينا

أحط خدي على اليسرى وأمد اليمنى للباري
ياليت الوقت لي باعد يقربنا ويدنينا

أنا مدري إذا تدري أو انته ما انته بداري
أنا ودي الزمان اللي مزعلنا يراضينا

واتخبر عن اخبارك وتتخبر عن اخباري
واسأل ليش روحنا وتسأل ليش ما جينا

ونتلاقى وحبايبنا نقضي الليل سمـّــاري
على شط البحر نسهر ونتذكر حكاوينا

ونرسم لوحة الماضي على نجم السما الساري
نبروزها بأمانينا ونختمها بأسامينا

شراع الحب يسؤي بالسفينة والأمل صاري
وربان البحر ذكرى وتصاريف القدر مينا

تركنا همّـنا لله وما عاد الدمع جاري
ولا عاد الزمان اللي يبكينا .. يبكينا

.

يعطيج الف الف مليون عافيه

وعساج دايم على القوة وتقدير تستمرين بعطائج ومجهودج

واتمنالج كل خير وتستاهلين صرااحة الشكر على هالشعر

تسلمين يالغاليه

هذا من ذوووقج <<< مؤدبه

يسلمووووووووو على مرورج

أنا مدري إذا تدري أو انته ما انته بداري
أنا ودي الزمان اللي مزعلنا يراضينا

واتخبر عن اخبارك وتتخبر عن اخباري
واسأل ليش روحنا وتسأل ليش ما جينا

ونتلاقى وحبايبنا نقضي الليل سمـّــاري
على شط البحر نسهر ونتذكر حكاوينا

فعلا ابدااااااااااااااااااااع ؟؟؟؟

عجبتني حييييل ...