فائدة زيت دابر أملا ...

السلام عليكم ورحوة الله وبركاته

طبعا الكل يعرف زيت الهنود الشهير دابر أملا

ومعظم شاف شعور طويلة وناعمه ولما سأل قالوا له دابر أملا

وهذا الشي صحيح فهذا الزيت أكثر من رائع للشعرولكن مشكلته هي رائحته القوية والسيئه واللي الكثير مننا ما تقلبلها وخصوصا المتزوجات عشان أزواجهم لا يشمون الريحة ولكن أنا عندي الحل

أولا زيت دابر أملا زيت معروف وقديم جدا ورخيص ومتواجد في الصيدليات والبقالات والعطارين والسوبرماركتات يعني في كل مكان

كثرت الأسئلة عن الأصلي والتقليد وكيف أفرق بينهم ووش استخدم اللي اسمه دابر أملا ولا بايو أملا وأملا الياسمين!!!!

الجميع ضاع في هذي الزحمه...

فوائد دابر أملا ::

- ينعم ويطري الشعر وتلاحظين الفرق بشعرك من أول أو ثاني استخدام حتى الشعر الناعم ينعم زيادة ووش راح يسوي بالخشن!!!
- يلمع الشعر ويعطيه لمعان قوي من أول استخدام
- كثير قالوا يسود الشعر والصحيح انه يغمق لون الشعر كم درجة فقط ومافي احد يكره الشعر الاسود العربيز
-يطول الشعر بسرعه ملحوظه أكثر من اي زيت ثاني والفضل يعود لثمار الأملج ( اللي لونها أخضر وزي التفاح الصغير) اللي تدخل في تركيبة الزيت

كثر الكلام عن الأصلي والتقليد وناس يقولون ان الاصلي هو اللي مصنوع بالهند والتقليد هو الاماراتي واكتشفت انهم غلطانين

الزيت اللي يصنع بالهند هذا يجيبونه من الهند انا دورت في المحلات ما لقيت غير الاماراتي وعرفت ان المورد لدول الخليج هو المصنع الاماراتي المصرح له من قبل الشركة الأم اللي هي موجوده بالهند فالزيت اللي ينكتب عليه:

صنع بواسطة ويكفيلد العالمية ( أ.ع.م) ذ.م.م
الشارقه لصالح دابر العالمية المحدودة
صنع في الامارات العربيه المحدودة
تجربه لوحده استخدمت الزيت وتقول ::
أقسم بالله أنه شعري طال وانا استخدمه من شهرين بس حتى قريباتي شعورهم طالت لنص الظهر والسبب انهم مايزيتون الا بدابر أملا..

طريقتي في استخدامه:

كانت أزيت شعري وهو ناشف يوم ويوم لا ... أو مثل مايعرف بعضكم "يوم وترك "
أتركه على الشعر من 3 الى 5 ساعات ... ادهن شعري واغطيه بكيسه حقت البقالات وبعدين اغسله مرتين بالشامبو ويفضل بموية دافيه أول بعدين ماء بارد

طريقة ثانية أنك تغسلين شعرك أول بعدين تدهنين بالزيت وشعرك رطب وهذي الطريقة مره روعه لجميع الزيت لأن المسام تكون متفتحه ولكنها يبي لها وحده ماعندها دوام يعني قاعده بالبيت .

للبنت خذي راحتك في تزييت شعرك وللمتزوجه لا تحطينه الا اذا طلع زوجك افضل

بالنسبة للريحه:

طبعا وقت وضع الزيت بيكون راسك مغطى بالكيس ومو طالعه الريحة مره لكن بعد الحمام كيف تروح الريحه من الشعر!!!!!

كثييييييييييييييييييييييييير منكم يقول حطي خمرية وبخري شعرك أو حطي عطر من زهور الريف أو حطي كريستال أو أو أو أو أو .............................. .

جربت هالطريقه لكن مو كل مره بقدر ابخر شعري ولا احط فيه عطور أحيانا الوقت أو ظروفك ماتساعد اذا انتي مستعجلة صح ولا لا؟؟!!!

أحيانا تفوح عليك الريحة مع الحر والصيف اذا مانغسل زين واحيانا حتى لو انغسل زين بس هذا الزيت ريحته قويه والدليل فوائده يعني شديد مايلعب لأنه فعلا يغيرب من شكل وصحة شعرك التعبان.

للتخلص من رائحته في الشعر:

الطريقة الأولى انك تستخدمين حمام زيت بعد الشامبو بس طريقة استخدام البلسم يعني تجيبين حمام زيت مثل: بوناويل بالمشمش أو فاشكول أي نوع يناسبك أو حمام زيت بارشوت بالأعشاب

وتحطينه زي البلسم بس على ابلذيل يعني ماتوصلينه لفروة الرأس أبداااااا

الطريقة الثانية والفتاكة والأكثر من رائعه هي:

جيبي 1 علبة جيلي فراولة أي نوع واخلطي مع علبة الشامبو حقك ملعقتين أو 3 ملاعق من بودرة الجيلي ورجي علبة الشامبو لحد مايتغير لونه ويصير وردي غامق أو أحمر وكل ماجيتي تغسلين الزيت غسلي شعرك بالشامبو أبو ريحة فراوله اللي انتي خلطتيه وصدقيني ماراح تشمين ريحة الزيت وبكذا استفدتي وما انقرفتي بريحته

وممكن تستخدمين هذي الطريقة مع كل زيت تستخدمينه على شعرك

وهذيي نصيحه أخت لأخواتها اللي شعرها تعبااااااااااااااااااااااااااا ان وتبغى يتغير وينعم ويطول ويقوى ويكثر تستخدك دابر أملا وعليها أمان الله.

تسلميييييييييين على التــريقه

وتسلمين لي ع المعلومات يا قلبي

تحياتي لج

ساارووونه دلوعه ماما

يسلمج ربي من كل شر ...

افا عليج ... اقوولج شرايج مني لي عرس اختي نستخدمه ...؟

<<<< افكاري خطيره ههههههههههههههههههههه فائدة زيت دابر أملا ... 114282

يسلمووووو على مرورج

اولا مبروك لاختج ... والفال لج انشالله ولكل المشتركات بالمنتدى واولهم انا هههه

ثانيا شكرا على نصيحتج

بس انا اقول ان الحين دابر املا تطور وصار له ريحه زينه .. الجديد هذا .. صدقيني انا استخدمته وريحته حلوة ما تأذي..

ثالثا الي يستخدم الزيت لازم ما يقطعه يعني بعد شهرين لو تركتيه بيخرب شعرج ويتقطع ..

وهذا الشي حصلي...
بس انا طبيعه شعري اني ما احب استخدم زيوت ...احس بقرف ههههههه

وهذا الشي مو فيني

بس شكرا على المعلومة الحلوة ...